Requiem aeternam dona eis, domine
Et lux perpetua luceat eis
Te decet hymnus, deus, in sion
Et tibi reddetur votum in Jerusalem
Exaudi, orationem, meam,
Ad te omnis caro veniet.

Kyrie eleison!
Christe eleison!
Kyrie eleison!

Dies irae, dies illa
Solvet saeclum in favilla
Teste David cum Sibylla

Quantus tremor est futurus
Quando iudex est venturus
Cuncta stricte discussurus!

Tuba mirum spargens sonum
Per sepulcra regionum
Coget omnes ante thronum

Mors stupebit et natura
Cum resurget creatura
Iudicanti responsura

Liber scriptus proferetur
In quo totum continetur
Unde mundus iudicetur

Iudex ergo cum sedebit
Quidquid latet apparebit:
Nil inultum remanebit

Quid sum miser tunc dicturus,
Quem patronum rogaturus,
Cum vix justus sit securus?

Recordare, Jesu pie,
Quod sum causa tuae viae,
Ne me perdas illa die.

Oro supplex et acclinis,
Cor contritum quasi cinis,
Gere curam mei finis.

Rex tremendae majestatis,
Qui salvandos salvas gratis,
Salva me, fons pietatis.

Recordare, Jesu pie,
Quod sum causa tuae viae,
Ne me perdas illa die.

Confutatis maledictis
Flammis acribus addictis,

Voca me!

Et de profundo lacu.
Libera me de ore leonis,
Ne cadam in obscurum,
Ne absorbeat me Tartarus.

Quaerens me sedisti lassus,
Redemisti crucem passus,
Tantus labor non sit cassus.

Juste judex ultionis
Donum fac remissionis
Ante diem rationis.

Ingemisco tanquam reus,
Supplicanti parce, Deus.

Preces meae non sunt dignae,
Sed tu bonus fac benigne,
Ne perenni cremer igne.

Qui Mariam absolvisti
Et latronem exaudisti,
Mihi quoque spem dedisti.

Inter oves locum praesta
Et abe haedis me sequestra,
Statuens in parte dextra.

Lacrimosa dies illa
Qua resurget ex favilla
Judicandus homo reus.

Pie Jesu Domine,
Dona eis requiem.

Domine, Jesu Christe, Rex gloria,
libera animas omnium
fidelium defunctorum de poenis
inferni et de profundo lacu.

Et signifer sanctus Michael
repraesentet eas in lucem
sanctam, quam olim Abrahae
promisisti et semini eius,

Domine, Jesu Christe, Amen.

Hostias et preces tibi laudis offerimus.
Suscipe pro animabus illis quarum hodie memoriam facimus.

Santus, sanctus, sanctus, Deus sabaoth.
Pleni sunt coeli et terra gloria tua.
Hosanna in excelsis.

Agus Dei, qui tollis peccata mundi,
dona eis requiem sempiternam.
Te decet hymnus, Deus, in Sion,
et tibi reddetur votum in Jerusalem.
Exaudi orationem meam, ad te omnis caro veniet.

Requiem aeternam
dona defunctis, Domine,
et lux perpetua luceat eis,
cum sanctis tuis in aeternam,
Domine, quia pius es.
Amen.